29 ԴԵԿՏԵՄԲԵՐ 2014

 

ՍՈՒՐԻԱՀԱՅՈՒԹԵԱՆ
ՇՏԱՊ ՕԳՆՈՒԹԵԱՆ ԵՒ ՎԵՐԱԿԱՆԳՆՈՒՄԻ ՄԱՐՄՆԻ ՆՈՒԻՐԱՏՈՒՆԵՐՈՒՆ

Ամանորի եւ Ս.Ծնունդի տօներուն առթիւ ՍՇՕՎՄը կը փոխանցէ իր ջերմագին շնորհաւորանքները՝ Սուրիոյ ապրած տագնապին սուրիահայութեան նիւթապէս թէ բարոյապէս աջակցութիւն ցուցաբերած բոլոր կողմերուն:

Ցուցաբերուած այս հարազատ մօտեցումը կþապացուցէ, որ հայ ազգի զաւակները ո՛ր երկնքի ներքեւ ալ շնչեն եւ ո՛ր երկրի վրայ ալ կայք հաստատեն՝ կը պահեն իրենց ազգակցական անքակտելի միութիւնը, որուն շնորհիւ աշխարհասփիւռ հայութիւնը ինքզինք կը պահպանէ օտարացումի վտանգէն:

 

Կը մաղթենք, որ մեր բոլոր նուիրատուներու անձնական թէ հաւաքական կեանքերը պայծառութեամբ յատկանշուին ու երջանկութեամբ գեղեցկանան:

Լաւագոյն բարեմաղթութիւններ եւ բարի տարիներ:

 

ՍՈՒՐԻԱՀԱՅՈՒԹԵԱՆ

ՇՏԱՊ ՕԳՆՈՒԹԵԱՆ ԵՒ ՎԵՐԱԿԱՆԳՆՈՒՄԻ ՄԱՐՄԻՆ