Երկուշաբթի, 22 Ապրիլ 2013                                                                 Հալէպ

Մեծայարգ
Տիար Արա Վարդանեան
Գործադիր Տնօրէն
«Հայաստան» Համահայկական Հիմնադրամի
Երեւան, Հայաստանի Հանրապետութիւն

 

Յարգելի Տիար Վարդանեան,

Մեծի Տանն Կիլիկիոյ Կաթողիկոսական Ս. Աթոռէն, Անթիլիասէն (Լիբանան), մեզի փոխանցուած տեղեկութեան համաձայն, Ձեր կողմէ յղուած նամակին (16 Ապրիլ 2013) Սուրիահայութեան Շտապ Օգնութեան եւ Վերականգնումի Մարմինը կը կատարէ հետեւեալ հաստատումները.-

Այսու կը հաստատենք, որ «Ֆրանսիայի տեղական մարմինը» 49,985.0 Euro գումարը փոխանցած է Մեծի Տանն Կիլիկիոյ Կաթողիկոսութեան միջոցով եւ անոր համապատասխան օրուան սակարանով 67,279.81 USD մուտքագրուած է Սուրիահայութեան Շտապ Օգնութեան եւ Վերականգնումի Մարմինի հաշուոյն եւ ստացականով հաստատուած է:

Նոյնպէս կը հաստատենք, որ «Լիբանանի տեղական մարմինը» 100,000 USD փոխանցած է Ն.Ս.Օ.Տ.Տ.  Արամ Ա. Վեհափառ Հայրապետին եւ մուտքագրուած է դարձեալ Սուրիահայութեան Շտապ Օգնութեան եւ Վերականգնումի Մարմինի հաշուոյն եւ ստացականով հաստատուած է:

Վերջապէս, այս առիթով շնորհակալութեամբ կը հաստատենք նաեւ, որ վերոյիշեալ գումարներէն զատ «Հայաստան» Համահայկական Հիմնադրամէն այլ գումար չենք ստացած:

 

Յաջողութեան լաւագոյն մաղթանքներով:

Սուրիահայութեան Շտապ Օգնութեան եւ Վերականգնումի Մարմին